d'Aire na Gaeltachta cá bhfuil an £20,000 a fuair an Chomhairle Náisiúnta Drámaíochta á chaitheamh agus cé mhéid de atá á chaitheamh (1) i mBaile Átha Cliath, (2) i nGaeltacht Dhún na nGall, (3) i nGaeltacht na Gaillimhe, (4) i nGaeltacht Chiarraí agus (5) i nGaeltacht Chorcaí.

Tugann an Chomhairle Náisiúnta Drámaíochta cúnamh ginearálta ar fud na tíre chun an drámaíocht Ghaeilge a chur chun cinn —mar shampla, trí léirithe, féilte agus cúrsaí ar ábhair dhrámaíochta a chur ar siúl. Ní choimeádann an chomhairle a gcuid cuntas de réir na gceantar ina dtugtar an cúnamh. Tuigfear mar sin nach mbíonn eolas ar fáil sa tslí atá luaite ag an Teachta.

An bhfuil an Rúnaí Parlaiminte i ndáiríre nuair adeir sé nach bhfuil an t-eolas le fáil ag an Tigh seo faoi cá bhfuil an £20,000 ag imeacht? Masladh dúinn é sin agus ní ceart a leithéid.

Tá a fhios agam cá bhfuil sé ag imeacht ach níl an t-eolas agam sa tslí atá sé ag teastáil ón Teachta. Ní féidir an t-eolas a bhriseadh síos maidir leis na Gaeltachtaí go léir. Is mar seo a oibríonn An Chomhairle Náisiúnta Drámaíochta: cuireann siad clár oibre chuig Roinn na Gaeltachta agus sonnraítear na príomh-theidil chaiteachas ar an gclár sin, ach ní luaitear na ceantair éagsúla. Tá timthirt acu a théann ar fud na tíre ar fad. Bíonn cúrsaí acu b'fhéidir anseo i mBaile Átha Cliath. Freastalann daoine ó Chiarraí agus ó áiteanna eile ar na cúrsaí sin. Is féidir an méid iomlán a thúirt don Teachta ach ní féidir é a bhriseadh síos.

Nach bhfuil a fhios ag an Rúnaí Parlaiminte go bhfuil an t-airgead go léir á chaitheamh i mBaile Átha Cliath agus gurab shin é an fáth nach bhfuil sé ag tabhairt an freagra dom? "Racket" ceart atá ann.

Níl a fhios agam go bhfuil sé á chaitheamh ar fad i mBaile Átha Cliath.

The remaining questions will appear on tomorrow's Order Paper.