Irish Language Policy and Civil Service Recruitment
The Minister said the Government aimed to foster respect for Irish and promote its use. He confirmed that civil-service candidates could be appointed without taking an English examination and might work in any department, including Finance or Foreign Affairs, arguing that English should not be compulsory when Irish was not. Colley challenged whether such recruits could perform their duties professionally; the Minister maintained that they could.
asked the Minister for the Public Service the Government's policy concerning the Irish language; and if he will make a statement outlining it and cite sources in which it can be studied.
Comment on this
Sé polasaí an Rialtais meas ar an nGaeilge a chothú agus an teanga féin a chur chun cinn.
Léiríodh polasaí an Rialtais i ráiteas faoina gcuspóirí a d'eisigh páirtithe an Chomhrialtais roimh an Olltoghchán anuraidh. I ráitis éagsúla ó bhaill den Rialtas ó shin i leith, dearbhaíodh agus míníodh an polasaí sin. Nuair a bhí Meastachán a Roinne féin á chur ós comhair an Tí seo ag Aire na Gaeltachta ar an 31 ú Deireadh Fómhair, 1974, thug an tAire ráiteas iomlán uaidh inar leagadh amach polásaí an Rialtais ar an nGaeilge, agus inar luadh bearta dearfacha an Rialtais chun an polasaí sin a chur i bhfeidhm. Luadh go háirithe cinneadh an Rialtais maidir le bunú Údarás na Gaeltachta agus Bord na Gaeilge, maraon leis an gcinneadh faoinar dáileadh ar Roinn na Gaeltachta freagracht i leathnú na Gaeilge ar fud na tíre.
Mar Aire na Seirbhíse Poiblí, sé atá mar phríomh-chúram agamsa ná na rialacháin i leith na Gaeilge sa státseirbhís. Ar an 7ú Samhain, 1974, d'fhógair mé cinneadh an Rialtais maidir le hathruithe sna rialacháin sin. Siad na príomh-athruithe ná go mbeidh an Ghaeilge agus an Béarla ar chomh chéim feasta i gcomórtais iontrála na státseirbhíse, go mbeidh ar chumas iarrthoirí an Ghaeilge, nó an Béarla, nó an dá theanga sin a thairiscint i gcomórthais, agus go dtabharfar creidiúint d'iarrthóirí a bheidh oilte sa dá theanga.
Tá an Rialtas lán-mhuiníneach go músclóidh na hathruithe seo, a chuireann spreagadh in áit éigeantais, deamhéin breise don Ghaeilge agus go gcuideoidh siad le leathnú na teanga laistigh agus lasmuigh den státseirbhís trí atmasfear níos fabhraí a chothú dí.
Comment on this
Ag éirí as an bhfreagra a chualamar ón Aire, an bhféadfadh sé a rá liom an í an bhrí atá le baint as ná go mbeadh sé féin agus Coimisiún na Státsheirbhíse sásta glacadh le hiarrthóirí do phostanna sa Státsheirbhís nach raibh ag déanamh scrúdú i mBéarla? An é sin atá i gceist aige?
Comment on this
Agus is dócha go n-aontódh an tAire gur beag iarrthóir dá leithéid a bheadh ann ach ag glacadh leis go raibh a leithéid ann, cá háit sa Státseirbhís a mbeadh sé i gceist ag an Aire na daoine sin a fhostú?
Comment on this
An n-deireann an Teachta nach ceart sin? An n-deireann sé gur cóir dúinn an Béarla a bheith éigeantach nuair nach mbíonn an Ghaeilge éigeantach?
Comment on this
An dtuigeann an tAire cad tá á rá aige? Nach nglacann sé leis gurab é an príomh-dhualgas atá air a chinntiú go mbeidh na daoine a earcaítear don Státseirbhís ábalta a gcuid oibre a dhéanamh go proifisiúnta agus an bhfuil sé á rá linn i ndáiríre go mbeidh duine a bheidh ag obair sa Roinn Airgeadais, ina oifig féin, in ann a chiud oibre a dhéanamh muna mbeidh Béarla aige?
Comment on this
An bhfuil an tAire á rá freisin go bhféadfadh státseirbhíseach a bheith ag obair sa Roinn Gnóthaí Eachtracha gan Béarla a bheith aige?
Comment on this
An mbeadh sé féin agus Coimisiún na Státseirbhíse sásta glacadh le hiarrthóirí do phostanna sa státseirbhís nach ag déanamh scrúdú i mBéarla?