£10 Gaeltacht grant in Meath
The Minister said the two children did not meet the requirement that Irish be the family’s usual language and spoken fluently, though one child had received the grant twice as an encouragement. After Mr. Tunney described the family’s circumstances, the Minister agreed to review the case; he could not say when the grant was first awarded, and Mr. Colley questioned whether such exceptions were policy.
d'Aire na Gaeltachta cén fáth nach bhfuil sé sásta an deontas deich bpunt a íoc i gcás gasúr i nGaeltacht na Mí (ainmneacha tugtha).
Comment on this
Faoi na coinníollacha a bhaineann leis an deontas sin ní foláir a bheith sásta gurb í an Ghaeilge gnáth-theanga theaghlaigh an dalta agus go labhraíonn sé í go líofa nádúrtha dá réir. Ní rabhthas sásta gurb amhlaidh a bhí sa chás atá i gceist.
Comment on this
An bhfuil a fios ag an Aire go bhfuil gasúr amháin san teach seo agus tá an deontas á fháil aige?
Comment on this
Tá eolas breise anseo agam agus tabharfaidh mé don Teachta é. D'fhonn an teaghlach a spreagadh chun an Ghaeilge a chur in uachtar mar ghnáth-theanga, ceadaítear an deonas uaireanta do pháiste amháin gan é a cheadú do pháistí eile sa teaghlach. Sé sin le rá nach gcuirtear na coinniollacha i bhfeidhm go daingean do na pháistí uilig ach go ndéantar eisceacht mar spreagadh speisialta. Thárla sé sin dhá bhliain as a chéile sa chás atá i gceist ach is cosúil nach bhfuil feabhas ag teacht ar staid na Gaeilge sa teaghlach. Sin í an tuarascáil atá agam ó mo Roinn.
Comment on this
De bhrí go bhfuil an Nollaig ag teacht, an mbeadh an tAire sásta an rud ceart a dhéanamh anseo? Tá Gaeilge ó dúchas ag fear an tí agus Gaeilge de shaghas éigin ag bean an tí. Tá an deontas ag páiste amháin. Measaim nach ceart an deontas a coinneáil ón mbeirt eile.
Comment on this
Ghlac mé leis na moltaí a fuair mé ó mo Roinn ach tuigim anois go bhfuil eolas pearsanta ag an Teachta sa chás seo agus má cheapann sé go mba chóir domsa é a scrúdú déanfaidh mé é.
Comment on this
An bhfuil an tAire sásta leis na coinníollacha fé mar atá siad nó an bhfuil sé ar intinn aige iad d'athrú.
Comment on this
Do luaigh an tAire na coinníollacha nuair a bhí sé ag tabhairt freagra ar an Teachta Tunney. Ní doigh liom gur ceist eile í ar chor ar bith.
Comment on this
An gcuirfidh an tAire in iúl dúinn cathain a fuair an dalta atá i gceist an deontas don chéad uair?
Comment on this
Baineann an cheist le cás amháin i gContae na Mí agus dúirt mé go ndéanfainn athscrúdú air ach níl aon eolas breise agam.
Comment on this
Cathain a fuair an dalta an deontas ar dtús? An raibh tusa nó an t-iar-Aire i réim?
(Cur isteach.)
Comment on this
An féidir liom a rá nach cuimhin liom cás dá leithéid a chloisteáil riamh? Nílim ag rá nár tharla sé ach níor chuala mise riamh faoi pholasaí den saghas a luaigh an tAire.