We use Google Analytics to see which pages are read and how the site is used, so we know what to improve. This only runs if you accept. See our privacy notice for details.

Dáil

Ceisteanna—Questions. Oral Answers. - Ceantair Ghaeltachta.

d'Aire na Gaeltachta an bhfuil sé i gceist aige an chuid thiar de Chontae an Chláir a ainmniú mar Ghaeltacht; agus, má tá, cé chomh luath a dhéanfar sin.

30. D'fhiafraigh

Comment on this

d'Aire na Gaeltachta an bhfuil sé i gceist aige leathnú a dhéanamh ar Ghaeltacht Mhúscraí, Contae Chorcaí; agus, má tá, an ndéanfaidh sé ráiteas ina thaobh.

Comment on this

Le chead an Cheann Comhairle, tógfaidh mé Ceist a 29 agus Ceist a 30 le chéile.

Táimse sásta breithniú báúil a dhéanamh ar eolas sonrach faoi úsáid na Gaeilge mar ghnáthurlabhra a bheith á leathnú le blianta beaga anuas in aon cheantar agus, má léirítear dom gur Gaeilgeoirí mórchuid de na daoine ann, molfaidh mé don Rialtas an ceantar a áireamh sa Ghaeltacht. Tá an méid sin mínithe agam do dhaoine a rinne achainíocha liom i dtaobh ceantar Chill Bheathach i gContae an Chláir agus ceantar Chill na Martra i gContae Chorcaí.

Comment on this

Nár thug an tAire geallúint dhá bhliain ó shin go nglacfaí an ceantar seo agus ceantair eile isteach sa bhfíor-Ghaeltacht agus an bhfuil sé á rá anois go mbrathann sé go fóill ar choinníollacha áirithe atá i bhfeidhm? Cad mar gheall ar an ngeallúint a thug sé go deimhnitheach dhá bhliain ó shin go dtógfaí isteach iad?

Comment on this

Mar adúras sa bhfreagra, má léirítear domsa gur Gaeilgeoirí morchuid de na daoine in aon cheantar molfaidh mé don Rialtas an ceantar a áireamh sa Ghaeltacht.

(Cur Isteach.)

Comment on this

Tá an tAire ag dul siar ar na geallúintí anois.

Comment on this

Seo mar adúirt mé leo. Dúirt mé i gcás Chorca Dhuibhne go molfainn don Rialtas ceantar Chlocháin Bréanainn a tharraingt isteach sa Ghaeltacht. Rinneadh é sin. Ina dhiaidh sin mhol mé don Rialtas go gcuirfear ceantar Seana Phobal i nGaeltacht na Rinne sa Ghaeltacht. Rinneadh é sin. Maidir leis an dá áit atá i gceist anseo, sé sin Cill Bheathach agus Cill na Martra, fuair mé achainíocht i dtaobh na gceantar sin; thug mé cuairt ar Chill Bheathach. Mhínigh mé an scéal go soiléir do na daoine go raibh coinníollacha ann agus go gcaithfeadh muintir na h-áite sin na coinníollacha a chomhlíonadh, sé sin, ní féidir aon áit d'aithint mar Ghaeltacht oifigiúil muna mbíonn an teanga mar ghnáthurlabhra ann. Má deintear iarracht i gCill Bheathach chun an teanga a chur chun cinn nuair a bheidh na daoine réidh cuirfidh mé cigire de mo Roinn amach chun an caighdeán Gaeilge a scrúdú ann.

Comment on this

Tá a lán daoine so tír a chuala an tAire ag rá i gcás Cill na Martra i gContae Chorcaí go raibh deimhin-bheartú déanta aige an limistéir sin a thabhairt isteach sa Ghaeltacht.

Comment on this

Tá mé ag rá nár dhúirt mé go raibh aon rud beartaithe.

Comment on this