Ceisteanna—Questions. Oral Answers. - Toradh Turais Aire.
d'Aire na Gaeltachta cad iad na deimhin-tograí a tháinig de bharr a thurais i mí Dheireadh Fómhair go dtí an Ghearmáin agus an Iodáil; agus an abróidh sé cé mhéad dul chun cinn atá déanta go nuige seo.
Comment on this
Tá tionscal amháin tosaithe ar an bhFál Charrach agus meastar go dtosóidh an obair go luath ar an gCeathrú Rua i dtionscal eile atá ceadaithe. Tá trí thogra a bhfuil idirbheartaíocht go maith chun cinn dóibh agus tá ceithre cinn eile á bplé. Is é cor eacnamaíochta na huaire atá ag cur moille ar thograí a thabhairt chun críche.
Comment on this
An bhfuil an Rúnaí Parlaiminte á rá linn go mbaineann an t-eolas atá tugtha aige leis an dturas a thug an tAire ar an nGearmáin agus ar an Iodáil?
Comment on this
Sea. Chuir sé ceist faoi cad a tháinig as an dturas. As an dturas tá áthas orm á rá gur tháining an monarcha seo go dtí an bhFál Charrach. An bhfuil sibh ábalta Gaeilge shimplí a thuiscint?
(Cur isteach.)
Comment on this
Tá difríocht idir Gaeilge shimplí agus Rúnaí Parlaiminte simplí. Tá mise ag iarraidh air an mbaineann an t-eolas sin uilig leis an dturas?
Comment on this
Táim á rá de bharr an turais go dtí an Ghearmáin agus an Iodáil gur tháinig an monarcha seo go dtí an bhFál Charrach. Ba cheart do na Teachtaí a bheith lántsásta gur tháinig an monarcha as an dturas sin.
Comment on this
An eol don Rúnaí Parlaiminte cé tá i mbun na mhonarchan ar an bhFál Charrach—na hIodáiligh nó na Gearmánaigh?