We use Google Analytics to see which pages are read and how the site is used, so we know what to improve. This only runs if you accept. See our privacy notice for details.

Dáil

Ceisteanna—Questions. Oral Answers. - Deontas Óstáin.

d'Aire na Gaeltachta cad é an dáta a ceadaíodh deontas don óstán sa Cheathrú Rua, Contae na Gaillimhe; agus cén uair a tógadh an t-óstán.

Comment on this

I mí an Mheithimh, 1973, thug mé cead do Ghaeltarra Éireann chun scaireanna a ghlacadh i gcomhlacht nua "Teachíní Chonamara Teoranta". Mar chuid de mhaoin an chomhlachta sin bhí óstán ar an gCeathrú Rua a tógadh sna blianta 1968 go 1970 agus ar cheadaigh mo Roinnse deontas forlíontach ina leith i mí na Nollag, 1968.

Comment on this

An abróidh an tAire go bhfuil deontaisí le fáil anois óna Roinn do thithe ósta nua nó do thithe ósta ar mian leo feabhsúcháin nó leathnú a dhéanamh?

Comment on this

Sin ceist eile ach ba mhaith liom an t-eolas a thúirt don Teachta. Tá deontaisí mar sin le fáil ó mo Roinn, deontaisí chun óstáin nua a thógáil agus chun feabhsúcháin nó deisiúcháin a dhéanamh. Tá siad sin le fáil ach braitheann na deontaisí sin ar Bhord Fáilte.

Comment on this

Ós rud é nach bhfuil Bord Fáilte ag túirt deontaisí do thithe ósta ar bith, níl sé fíor a rá go bhfuil deontaisí ar fáil ó Roinn na Gaeltachta. Má thugann Bord Fáilte deontaisí do thithe ósta tabharfaidh Roinn na Gaeltachta deontaisí breise ach níl Bord Fáilte ag túirt deontais ar bith. Agus nach bhfuil sé fíor a rá nach bhfuil deontaisí ar bith á dtúirt ag Roinn na Gaeltachta?

Comment on this
Seán Treacy An Ceann Comhairle Labour Party

Baineann an cheist seo le hóstán ar an gCeathrú Rua.

Comment on this

Is féidir liom a rá gur ceist do Bhord Fáilte ceist fhorbairt na cuartaíochta mór-thimpeall na tíre ach tuigimse go bhfuil deontaisí ar fáil ó Bhord Fáilte faoi láthair chun feabhsúcháin agus deisiúcháin óstán a dhéanamh.

Comment on this

An féidir leis an Aire ainm an óstáin a thúirt dúinn?

Comment on this

Óstán Ceathrú Rua a thugtar air ach tá comhlacht nua ann anois. Tá an t-óstán faoi chomhlacht nua.

Comment on this

An fíor gur tógadh agus gur osctaíodh an teach ósta seo sul ar toghadh an tAire mar Aire na Gaeltachta?

Comment on this

Mar a thuigimse an scéal tógadh an t-óstán seo i 1968. Fuair an comhlacht a bhí ann ansin na gnáth-dheontaisí ó mo Roinnse ach i mí Meithimh tharla fadhbanna agus thóg Gaeltarra Éireann scaireanna de bhreis ar £63,000 sa chomhlacht nua ar an gcéad lá de Mheitheamh, 1973.

Comment on this

Sa bhfreagra a thug an tAire don Dáil ar cheisteanna a bhí síos agam féin agus ag Teachtaí eile roint seachtain ó shin, an bhfuil sé fíor gur luaigh sé sa liosta fada sin an teach ósta seo agus gur chuir an freagra mar a bhí sé scríofa in iúl don Teach gur cuireadh an rud seo ar bun ó tháinig sé in oifig?

Comment on this

Níl.

Comment on this

Cén fáth nach ndearna an tAire an scéal go soiléir ag an am sin don Teach gur tógadh an teach ósta seo i 1968 mar adeireann sé anois agus go raibh deontaisí fáite ag an teach ósta blianta fada ó shin faoi Rialtas Fhianna Fáil, go raibh an teach ósta oscailte agus go raibh sé á riaradh le roint mhaith blianta sul ar tháinig an tAire in oifig ar chor ar bith? Tá an tAire tar éis a rá anois go bhfuil £63,000 curtha ar fáil de bharr cúrsaí áirithe. An bhféadfadh an tAire na cúiseanna sin a thúirt don Teach?

Comment on this

Tá an freagra simplí. I 1973 bhí an t-óstán seo ar díol. It was for sale. Chuaigh Gaeltarra Éireann i bpáirt i gcomhlacht nua agus ón eolas atá agamsa bhí i gceist ag Gaeltarra Éireann an t-óstán seo a choiméad mar óstán Gaeltachta.

Comment on this
Seán Treacy An Ceann Comhairle Labour Party

Ceist a 5. Caithfimid dul ar aghaidh go dtí an chéad cheist eile.

Comment on this

Tá áthas orm a rá go bhfuil an teach ósta oscailte i gcónaí agus go bhfuil sé ag leanúint ar aghaidh agus go bhfuil sé ar fáil do thurasóirí ach nach gceapann an tAire gur aisteach an rud é gur cuireadh deontas ar fáil timpeall 1968 agus ansin tháinig an tAire in oifig agus cheannaigh sé an teach ósta seo le hairgead an Stáit a bhí caite roimhe sin——

Comment on this
Seán Treacy An Ceann Comhairle Labour Party

Ceist le do thoil.

Comment on this

——chun é a thógáil?

Comment on this

Is oth liom a rá gur theip ar an óstán sin. An bhfuil an Teachta á rá nach raibh an ceart againn é a choiméad mar óstán Gaelach in ionad é a dhíol le daoine thar lear?

Comment on this
Seán Treacy An Ceann Comhairle Labour Party

Ceist a 5.

Comment on this

Níl aon ghearán agamsa nó ag Fianna Fáil mar gheall air sin. Tá áthas orainn go bhfuil an teach ósta ar oscailt. Tá sean-aithne againn air agus táimid an-shásta leis. Cuireann sé ionadh orainn gur rinne an tAire iarracht a chur in iúl don Dáil gur rud é seo a chuir sé féin ar bun.

Comment on this