We use Google Analytics to see which pages are read and how the site is used, so we know what to improve. This only runs if you accept. See our privacy notice for details.

Dáil
‹ Ceisteanna—Questions. Oral Answers. - Forbairt na hOla.

Report on Scottish oil industry visit

Summary

Cunningham asks for a report on the Minister’s Scottish oil-industry study visit and whether it was shared with other bodies. The Minister says no report exists but offers to provide information from his Department and Gaeltarra Éireann.

d'Aire na Gaeltachta an dtabharfaidh sé cuntas don Dáil ar an eolas a fuair sé féin agus an fhoireann a chuaigh go hAlbain ag déanamh staidéir ar cheist na hola agus aroile; agus an bhfuil cuntas tugtha go fóill don Choiste Cumhachta nó d'eagras Stáit ar bith.

Comment on this

Thug mé cuairt ar ionaid do thionscal na hola in oirthuaisceart na hAlban d'fhonn staidéar a dhéanamh ar a mbeadh i ndán do réigiúin Ghaeltachta dá dtarlódh forbairt na hola amach ó chósta iarthair na hÉireann. Bhí deis agam

—freastal ar thaispeántas mór ina raibh innealra agus córais seirbhíse éagsúla a bhaineann leis an tionscal ola,

—bualadh le hionadaithe ó ghnólachtaí atá ag freastal ar riachtanais na gcomhlachtaí a bhíonn ag cuardach ola agus ag druileáil,

—cuirteanna a thabhairt ar chlós ina dtógtar ardáin ola, ar mhonarcha ina n-ullmhaítear píopaí lena n-úsáid faoin bhfarraige agus ar ionaid seirbhíse do thionscal na hola,

—scrúdú a dhéanamh ar an tionchar atá ag an tionscal ola ar chalafort iascaigh, agus

—cúrsaí a phlé le hionadaithe ó eagrais a bhfuil gnóthaí forbartha faoina gcúram.

Dá bharr sin go léir is é mo thuairim gur fearr a bheidh ar mo chumas féin agus ar chumas Ghaeltarra Éireann féachaint chuige gurb é leas na Gaeltachta a thiocfaidh as an bhforbairt má aimseofar ola amach ó chósta an iarthair.

Comment on this

An bhfuil tuarascáil ar bith de bharr an turais seo ón Aire féin nó ó na Státseirbhísigh a bhí leis? Ar chuir sé an tuarascáil sin ar fáil don Roinn Tionscail agus Tráchtála atá ag plé leis an gceist seo faoi láthair nó cad a rinne sé nó cad tá sé ar tí a dhéanamh leis an dtuarascáil sin? An féidir liom mar urlabhraí Fhianna Fáil anseo cóip den tuarascáil sin a fháil?

Comment on this

Níl tuarascáil ar fáil ach tá eolas ar fáil in mo Roinnse agus ó Ghaeltarra Éireann. Más mian leis an Teachta an t-eolas sin a fháil i bhfoirm tuarascála cuirfidh mé ar fáil é.

Comment on this