We use Google Analytics to see which pages are read and how the site is used, so we know what to improve. This only runs if you accept. See our privacy notice for details.

Dáil
‹ Ceisteanna—Questions. Oral Answers. - Radio na Gaeltachta.

School broadcasts and Gaeltacht coverage

Summary

Cunningham asked whether Radio na Gaeltachta could provide programmes for schools. The Minister referred the education aspect to the Education Minister and said the station aims to improve service to underserved areas, including parts of Mayo, using its current hours.

An aontaíonn an tAire go mbeadh sé úsáideach sa Ghaeltacht dá mbeadh seirbhís i gcóir na scoileanna á craoladh ag Radio na Gaeltachta?

Comment on this

Sin ceist eile a bhaineann leis an Aire Oideachais. Níl sé i gceist cur le méid an ama ar Radio na Gaeltachta ach freastal níos fearr a dhéanamh san am atá in úsáid faoi láthair. Is í an phríomh-aidhm atá ag Radio na Gaeltachta ná freastal ar na ceantair Ghaeltachta uilig. Níltear sásta go bhfuil an cúram sin á dhéanamh sách iomlán i dtaca le ceantair áirithe mar Mhaigh Eo thuaidh agus theas— ceantair Iorrais agus Tuar Mhic Éadaigh—nach bhfuair móráin deise go dtí seo cláracha uathu a bheith ar an tseirbhís.

Tá sé i gceist ag Radio na Gaeltachta an fhoireann a chur chuig na ceantair sin ar bhonn níos rialta. Tá sé i gceist freisin, i gcás na limistéar Gaeltachta atá i bhfad amach ó na stiúideonna i gCorca Dhuibhne agus i dTír Chonaill, freastal níos iomláine a dhéanamh ar na ceantair imeallacha mar An Rinn, Múscraí agus Cléire ó dheas agus deisceart Thír Chonaill, mar shampla Cill Chárthaigh agus Gleann Colmcille ó thuaidh. Tá freastal níos iomláine ar na hoileáin i gceist chomh maith.

San tréimhse leath-bhliana atá imithe tharainn, tá méid áirithe déanta sna limistéir éagsúla ar bhonn trialach. Ar ndóigh, ní miste a mheabhrú go bhfuil costas nach beag ag baint leis an bhfreastal seo. Murab ionann agus cláracha RTE, a ndéantar riar mhór díobh i stiúideonna, tá cuid mhaith taistil ag baint le cláracha Radio na Gaeltachta. Cosnóidh sé go leor airgid bhreise an freastal níos iomláine atá i gceist ag Radio na Gaeltachta a chur i gcrích. Tá RTE ag féachaint conas is fearr chur chun na hoibre sin, ag cur san áireamh an ghéarchéim airgeadais atá ar an eagraíocht faoi láthair.

Comment on this