d'Aire na Gaeltachta an bhfuil aon dealramh air go mbeidh breis fostaíochta ar fáil sa Ghaeltacht i rith 1977; agus má tá, cá mbeidh sí.

Is cinnte go mbeidh breis fostaíochta ar fáil ar fud na Gaeltachta i rith na bliana 1977: meastar go gcruthófar suas le 1,000 post i mbliana. Foilsíodh clár togála monarchan le déanaí agus, le cead an Cheann Comhairle, cuirfear mór thimpeall sa Tuairisc Oifigiúil é.

Seo a leanas an clár:

GAELTARRA ÉIREANN

FACTORY BUILDING PROGRAMME 1977

SCHEDULE 1—ADVANCE FACTORIES

GAELTARRA ÉIREANN

FACTORY BUILDING PROGRAMME 1977

SCHEDULE 2—CONSTRUCTION FOR APPROVED PROJECTS

GAELTARRA ÉIREANN

BUILDING PROGRAMME 1977

SCHEDULE 5—DEVELOPMENT AND SERVICES FOR INDUSTRIAL ESTATES

Tuigfidh an tAire nach dtarlóidh na postanna seo de bhrí go bhfuil an tAire ag trácht orthu. An féidir leis a rá liomsa cén cruthú atá ann go mbeidh 1,000 ann i mbliana?

Bíonn on-going work ar siúl i gcónaí. Ón am a thosnaíonn Gaeltarra ag lorg suíomh do mhonarcha go dtí go ndéantar forbairt ar an suíomh agus go gcuirtear na h-áiseanna go léir isteach ann, tógann an obair sin go léir cúpla bliain. Cuir i gcás b'fhéidir dhá bhliain ó shin go bhfuair Gaeltarra suíomh do mhonarcha, gur déanadh forbairt uirthi agus anois tá tionscal ar siúl sa bhfoirgneamh sin. Tá sceideal iomlán agam anseo a bhaineann le clár tógála Ghaeltarra Éireann do 1977 agus 1978, an t-am a críochnóidh an obair sin, an méad airgid agus gach rud mar sin a bhaineann le gach ceantar Ghaeltachta. Mar eolas don Teachta, tá 18 monarchana á dtógáil do thógraí atá ceadaithe. Tá 15 réamh-mhonarchana á dtógáil.

Tá neart páipéarachais agus figúirí ann, ach an cruthú is fearr atá againn ná nár chruthaíodh ach breis agus 500 post anuraidh. Tá an tAire ag rá go dtarlóidh sé sin i mbliana agus ag iarraidh orainn é sin a ghlacadh gan chruthúnas ceart a bheith ann.

Caithimid smaoin— eamh ar an dul chun cinn atá déanta ag Gaeltarra Éireann le ceithre bliain anuas nuair a bhí deacrachtaí mór an domhain ag cur isteach orthu agus nuair a cuireadh 500 post ar fáil ar meán gach bliain i rith na tréimhse sin. Tá sé sin ar fheabhas ar fad. Anois nuair atá cúrsaí eacnamaíochta ag dul ar aghaidh——

Níl siad ag dul ar aghaidh.

Tá an bun-structúr ann agus tá mé cinnte——

De bhrí go bhfuil toghachán ag teacht——

Ní ceart don Teachta bheith ag cur isteach. Tá mé ag dul ar aghaidh go ceist eile.