An bhfuil a fhios ag an Aire nach bhfuil dóthain cléirigh fostaithe sa Dáil chun na díospóireachtaí a chlóbhualadh nuair a bhíonn na díospóireachtaí thart sa Teach? Mar shampla, bhí an tAire ag labhairt anseo ag 8.45 p.m. aréir ach níl an méid sin clóscríofa go fóill mar tá easpa cléirigh fostaithe. An ndéanfaidh an tAire beart éigin chun an fhadhb sin a réiteach?

Níl eolas agam faoi sin. Ní ormsa atá an cúram sin ach ar an Teach. Is é an Ceann Comhairle ceann an Tí.

B'fhéidir go n-iarrfaidh an tAire ar Roinn na Seirbhise Poiblí——

Déanfaidh mé iarracht a fháil amach an bhfuil an méid atá á rá ag an Teachta fíor, agus glacfainn go bhfuil. Déanfaidh mé mo dhicheall.