asked the Minister for the Gaeltacht if a special allocation will be made to Donegal County Council for the repair of roads on Arranmore Island, County Donegal.

Níl ach soláthar anteoranta airgid ar fáil do mo Roinnse i mbliana lena chaitheamh ar bhóithre: cuirfear cás Árainn Mhór san áireamh nuair a bheidh bóithre á roghnú ar ball.

An nglacann an tAire leis go bhfuair Oileán Árainn Mhór tuairim is £15,000 gach bliain le haghaidh cúig bliain go dtí anuraidh? Cuirtear £15,000 leis sin ó chomhairle chontae Dhún na nGall agus go gcaithfear leanúint ar aghaidh leis an bplean a thosaigh Fianna Fáil tuairim is cúig no sé bhliain ó shin ag tabhairt airgid don oileán seo. Bhí mé istigh ansin Dé Sathairn agus tá fearg ar na daoine ansin nár chuir an Comhrialtas airgead ar bith ar fáil don oileán sin le haghaidh na mbóithre. B'fhéidir go nglacfaidh an tAire le cuireach teacht go dtí Árainn Mhór agus breathnú ar na bóithre atá ansin acu. Dá bhfeicfeadh an tAire na bóithre ansin tá mé cinnte go dtabharfadh an tAire i bhfad níos mó ná £15,000.

Cuirfidh mé in iúl don Teachta go bhfuil £62,000 caite ar bhóithre ar an oileáin idir 1978 agus 1982. Táim sásta glacadh leis an méid a deireann an Teachta go bhfuil gá le níos mó caiteachais ar bhóithre in Arainn Mhór mar atá in áiteanna eile den tír. Mar a duirt mé, nil cinneadh daingean déanta againn ar chaiteachas na bliana seo agus nuair a bheidh na bóithre á roghnú beidh oileán Árainn Mhór curtha san áireamh ag an am sin.

Cé mhéad airgead atá á chur ar fáil sna Meastacháin i mbliana faoin Roinn seo le bóithre a dheisiú, sé sin na boithre aíseanna.

Tá £25,000 le cur ar fáil i mbliana.