Funding Irish-language centres outside the Gaeltacht
De Rossa sought targeted support for communities such as Ballymun establishing Irish-language cultural centres and asked how much grant funding is spent outside the Gaeltacht. Kenny cited grants to Irish-language and cultural organisations but said he lacked precise figures, adding that some of their funding is spent outside the Gaeltacht.
d'Aire na Gaeltachta cén cúnamh atá ar fáil ón Roinn do phobal nach bhfuil sa Ghaeltacht, agus atá ag iarraidh úsáid na Gaeilge a leathnú agus cultúrlann Ghaelach a bhunú.
Comment on this
D'fhonn an Ghaeilge agus an cultúr a chur ar aghaidh ar fud na tíre tugann mo Roinnse deontais bhliantúla do Bhord na Gaeilge agus d'eagrais áirithe Ghaeilge agus chultúir agus fágtar fúthu san socruithe a dhéanamh chun freastal ar phobail ar leith.
Comment on this
An gceapfadh an tAire go mbeadh sé níos fearr socruithe faoi leith a chur i bhfeidhm i gcomhair pobal cosúil le pobal Bhaile Munna atá ag iarraidh pobal Gaelach a bhunú sa cheantar. B'fhéidir go mbeadh sé níos fearr deontais faoi leith a thabhairt ón Roinn go dtí pobail mar iad seachas trí Bhord na Gaeilge.
Comment on this
Tugadh níos mó ná milliún punt do Bhord na Gaeilge i mbliana agus tá scéimeanna faoi leith á reachtáil ag an mBord chun cabhrú le coistí Gaeilge i scoileanna agus i gColáistí Oideachais agus mar sin. Freisin, tugadh £1,150,000 do na heagrais Ghaeilge ón Roinn i mbliana freisin. Agus déanann siad san sárobair chun an Ghaeilge a leathnú ar fud na tíre.
Comment on this
An bhfuil a fhios ag an Aire an méid airgid a chaitear as an deontas taobh amuigh den Gaeltacht?
Comment on this
Tá sé fite fuaite taobh istigh den Ghaeltacht agus taobh amuigh. Mar shampla fuair Gael Linn i mbliana £315,000; fuair Comhdháil Naisiúnta na Gaeilge £240,000 agus fuair Conradh na Gaeilge níos mó ná £100,000 i mbliana. Mar adúirt mé tá níos mó ná milliún punt caite ag na heagrais sin agus caitear cuid den airgead sin taobh amuigh den Ghaeltacht.
Comment on this
An cheist agam ná an bhfuil a fhios ag an Aire cé mhéad den airgead a chaitear leis na heagraisí seo taobh amuigh den Ghaeltacht, abair chun cultúrlann a bhunú taobh amuigh den Ghaeltacht mar measaim go bhfuil an chuid is mó den airgead seo á chaitheamh istigh sa Ghaeltacht. Sílim go gcaithfear a thuilleadh de a chaitheamh taobh amuigh de.
Comment on this
Níl an t-eolas cruinn sin agam, a Theachta, ach anuas ar an méid a tugadh dóibh siúd d'íoc an Roinn £155,000 do Chomhaltas Ceoltóirí Éireann agus £28,000 do Siamsa Tíre agus ní chaitear iomlán an airgid sin taobh istigh den Ghaeltacht. Ach níl an freagra díreach ar do cheist anseo agam. Is dóigh liom go gcaitear cuid mhaith den airgead sin lasmuigh den Ghaeltacht.