d'Aire na Gaeltachta ó tharla go nglacann sé leis go bhfuil laghdú ag teacht ar labhairt na Gaeilge mar theanga pobail i gcuid de na Gaeltachtaí, an mbeadh sé sásta cabhair airgid a chur ar fáil d'Údarás na Gaeltachta le ceann dá phríomhaidhmeanna a thabhairt chun críche i.e. caomhnú agus leathnú na Gaeilge mar theanga labhartha sa Ghaeltacht a spreagadh.

Caitheann Údarás na Gaeltachta méid áirithe airgid go sonrach ar fhorbairt theanga agus tugtar sonraí i dTuarascálacha agus Cuntais Bhliantúla na heagraíochta. Ar ndóigh is ar mhaithe leis an nGaeilge agus leis an nGaeltacht atá an t-airgead ar fad a chuirtear ar fáil do mo Roinnse agus don Údarás le caitheamh agus tá forbairt eacnamaíochta na Gaeltachta agus caomhnú agus leathadh na Gaeilge mar phríomh-mheán cumarsáide sa Gaeltacht fite fuaite lena chéile.