Using Irish in dealings with the State
Higgins asks whether the agencies will address people’s difficulty conducting ordinary business with State bodies in Irish. Gallagher says Bord na Gaeilge is preparing a report and engaging with State departments and public bodies, with Government support.
Cúpla mí ó shin dúirt an tAire Stáit sa Teach seo go mbeadh sé ag scríobh chuig na hÚdaráis éagsúla maidir le cearta daoine a dteastaíonn uathu Gaeilge a úsáid leis an ngnáththeagmháil leis an Stát. An bhfuil se intuigthe ó na ceisteanna agus na freagraí atá tugtha don Teach seo go mbeidh gach ceann de na hUdaráis atá luaite sa cheist ag plé leis an bhfadhb seo, is é sin, glacadh leis mar oibleagáid, go bhfuil sé sa tuarascáil nach bhfuil daoine in ann a ngnó a dhéanamh trí mheán na Gaeilge leis an Stát agus leis na Ranna Stáit éagsúla?
Comment on this
Tá tuarascáil eile á réiteach ag Bord na Gaeilge maidir leis na ceisteanna seo ar fad, agus tá sé go síoraí ag teagmháil le gach Rannóg Stáit, le comhairlí contae agus le heagrais phoiblí le cuidiú leo le Gaeilge a chur chun cinn. Tá siad ag plé le naíscoileanna, agus le cuid mhaith rudaí eile ar mhaithe le dul chun cinn na Gaeilge. Beimid ag súil go leanfaidh siad ar aghaidh leis sin, agus beidh lántacaíocht le fáil acu ón Rialtas lena gcúraimí a thabhairt slán.