An bhfuil a fhios ag an Aire go bhfuil an-droch chaoi ar ché Ard Mór agus an bóthar isteach chuig an cé sin agus go bhfuil an-úsáid á baint astu ag——

Sin ceist speisialta.

——Emerald Fisheries agus seans nach mbeidh an comhalacht sin in ann leanúint ar aghaidh ar an suíomh sin mura ndéantar feabhas láithreach ar an mbóthar agus ar an ché.

Cén cé?

Ard Mór, Carna, Contae na Gaillimhe.

B'fhéidir go bhfaighidh mé níos mó eolais ná an t-eolas atá le fáil anseo, agus is ceist speisialta é.

Sin ceist speisialta.

Níl go leor eolais agam, ach b'fhéidir go gcuirfeadh an Teachta Molloy níos mó eolais chugam maidir leis an ché. Níl mé cinnte mar gheall ar an mbealach síos chuig an cé. Níl a fhios agam an bóthar contae é nó nach é. Más bóthar contae é is dócha gur féidir airgead a fháil ó Chomhairle Chontae na Gaillimhe. Más bóthar nach bhfuil ar an chontae b'fhéidir gur féidir airgead a fháil——

Bóthar contae é.

Os rud é go bhfuil an Teachta Molloy in a bhall de Chomhairle Chontae na Gaillimhe, is dócha go mbeidh sé ábalta airgead a fháil ansin.

Is cuma leat.

Is tusa atá ag rá é sin, ní mise.

May I ask one final supplementary please?

Ar aghaidh le Ceist a 7.

I am sorry, Deputy, the Chair must be obeyed at some stage.

I appreciate that, a Cheann Comhairle, but my patience wears thin.