Cladach na gCaorach Harbour Works
The Minister said there were no current proposals for works at Cladach na gCaorach; the Department funds projects based on recommendations from the Marine Department or public works authorities. The Chair then moved to Question 2.
An bhféadfadh an tAire a rá an bhfuil aon phleananna le hairgead a chaitheamh nó feabhas a chur ar shaoráidí i gCladach na gCaorach, atá i lár na Gaeltachta i nDún na nGall, i gceantar Chill Chárthaigh, agus a bhfuil deacrachtaí móra acu i láthair na huaire? Tá mé cinnte go bhfuil a fhios aige an scéal. An bhfuil aon phleananna le haon rud a dhéanamh ansin, Cladach na gCaorach?
Comment on this
Mar atá a fhios ag an Teachta, níl aon innealtóir ag an Roinn féin. Bímid ag brath ar Roinn na Mara, nó roimhe seo ar Oifig na nOibreacha Poiblí, le moltaí a chur os comhair na Roinne, agus cuireann an Roinn an t-airgead ar fáil de réir mar a fhaigheann siad na moltaí ó na Ranna seo. Agus de réir cosúlachta níl, i láthair na huaire, moltaí ar bith i dtaobh na n-oibreacha atá luaite ag an Teachta.