305 D'fhiafraigh Mr. Gildea den Aire Ealaíon, Oidhreachta, Gaeltachta agus Oileán an míneoidh sí cén fáth ar ceadaíodh d'Údarás na Gaeltachta iascach chuan Theilinn a thabhairt ar ceadúnas do Chomhlucht Iascaireachta Shliabh Liag Teo. ar an 26 Feabhra 1993, nuair a aontaíonn Coiste Paróiste Chill Chartha, Coiste Paróiste Ghleann Cholm Cille agus Údarás na Gaeltachta iad féin nach raibh; agus nach bhfuil tacaíocht thromlach mhuintir na háite ag Comhlucht Iascaireachta Shliabh Liag Teo. [6062/99]

Is bord neamphspleách reachtiúil é Údarás na Gaeltachta agus ba ghnó don Údarás féin é cinneadh a dhéanamh maidir le léas ar Iascaireacht Theilinn a thabhairt do Chomhlacht Iascaireachta Shliabh aLiag agus níor ghá agus níor lorgaíodh cead an Aire chuige sin.

Tá mé ar an eolas faoi na deacrachtaí áitiúla, ar gnó don Údarás iad, maidir leis an Iascaireacht agus tuigim go bhfuil tosaíocht nua idir lámha faoi láthair dfhonn réiteach sásúil a fháil ar an bhfadhb.