Foras Teanga funding reduction
The Minister said the 2003 provision was €12.416 million, regretted the reduction, and put it in the context of increased funding since 2000 and additional Northern funding. Members questioned the effect on the electronic dictionary and the cross-border funding arrangement; the Minister said the body would decide its priorities and explained the matching-fund implications.
den Aire Gnóthaí Pobail, Tuaithe agus Gaeltachta cén fáth a bhfuil ísliú 11% san íocaíocht leis an bhForas Teanga sna meastacháin do 2003; agus an ndéanfaidh sé ráiteas ina leith. [24471/02]
Comment on this
Faoi mar is eol don Teachta, tá soláthar de €12.416 milliún don bhForas Teanga san áireamh san imleabhar Meastacháin giorraithe do 2003. Chomh maith leis sin, beidh cistíocht bhreise anuas ar an mhéid seo á cur ar fáil don bhForas Teanga ag an Roinn Ealaíon agus Fóillíochta sa Tuaisceart de réir na gcoibhneas atá aontaithe.
Cé go bhfuil aiféala orm maidir leis an laghdú atá déanta ar an soláthar don bhForas Teanga, ní mór é a chur i gcomhthéacs an mhéadaithe ollmhóir ar an gcúnamh atá curtha ar fáil ag an Rialtas don eagraíocht le blianta beaga anuas, ó €7.577 milliún i 2000 go dtí €14 milliún sa bhliain reatha.
Tá mé muiníneach go mbeidh An Foras Teanga in ann leanúint de chlár iomlán a chur chun feidhme laistigh den soláthar airgead a bheidh ar fáil dó an bhliain seo chugainn.
Comment on this
Nuair a bhíonn níos lú airgid ann, déanfar níos lú. Sin mar atá cúrsaí an tsaoil. An rud is tábhachtaí, áfach, ná an fóclóir Béarla – Gaeilge leictreonach a chur ar fáil. An féidir leis an Aire geallúint a thabhairt dúinn nach gcuirfear aon chosc ar an obair sin cé go bhfuil ísliú airgid ann sna Meastacháin don Fhoras Teanga?
Comment on this
Ceist don Fhoras Teanga sin. Is foras tras-Teorainn é agus mar sin ní bheadh sé ceart domsa bheith ag leagaint síos polasaí sa Dáil. Tá mé sásta go mbeidh an Foras Teanga, leis an mhéadú mór airgid ó 2000, in ann clár oibre iomlán a chur i gcrích. Ceist don Fhoras Teanga féin cé acu de na tograí a thosóidh sé agus cé mhéad airgid a chaithfidh sé ar aon thogra faoi leith.
Comment on this
Is eagraíocht tras-Teorainn é an Foras Teanga agus anois beidh gearrthacha €400,000 ó Rialtas Shasain. An rud maith é do eagraíochtaí tras-Teorainn bheith ring fenced ó thaobh airgid ag dul trí Rialtas na hÉireann agus Rialtas Shasan? Is rud nua seo – gearrthacha a dhéanamh sa Tuaisceart nuair a ghearrtar siar anseo.
Comment on this
Caithfidh mise airgead mo Roinne féin a thógáil san áireamh. Ba bhreá liom go mbeadh breis acmhainní ar fáil agam. D'fhéadfainn á n-úsáid go maith. Ach caithfidh me cinneadh a dhéanamh cén toradh a bheas ar aon athrú airgid a dhéanfas mé. Tá go leor scéimeanna agam gur ionann gearradh airgead do scéim amháin agus gearradh ag dream éigin eile. Sa scéim CLÁR, bíonn comhmhaoiniú i gceist. Má cailltear maoineadh amháin, cailltear an maoineadh eile.
Sa gcás seo, tá an chuid is mó den airgead ag dul ar Fhoras na Gaeilge. An coibhneas atá ansin ná 3:1. Tá an caillteanas réasúnta beag má thógtar ar an mbealach sin é. Tá coibhneas 3:1 ag baint leis an bhForas Ulster Scots, ach is mó airgid i bhfad atá ag dul an bealach eile – thart ar €400,000.