Tá dhá cheist agam don Taoiseach. Maidir leis an Bille a bhaineann le foraoiseacha, cén uair a fhoilseofar é agus cén uair a thiocfaidh sé os comhair an Tí? An mbeidh moltaí ann maidir le díol na gcrann atá ag Coillte Teoranta? Mar is eol don Taoiseach, tá amhras mór ar an bpobal maidir leis an mholadh atá ag an Rialtas na crainn atá ag Coillte a dhíol agus an dochar a dhéanfadh sé sin.

Baineann an dara cheist leis an mBille i dtaobh tomhaltóirí agus iomaíocht, Bille Uimh. 13 atá le foilsiú an seisiún seo. Tá fíor-thábhacht ag baint leis an mBille seo ach níl ach cúig seachtain fágtha sa seisiún seo. An bhfoilseofar an Bille sin i rith an tseisiúin seo?

An bhfuil an Teachta ag caint faoi an Consumer and Competition Bill?

Sea, Bille Uimh. 13.

Tá an Bille sin casta. Bhí sé ar intinn go bhfoilseofaí é an seisiún seo, ach ag an bpointe seo ní dóigh liom go n-eireoidh linn é sin a dhéanamh de bharr na deacrachtaí atá tar éis teacht os ár gcomhair. Maidir leis an mBille a bhaineann le cúrsaí foraoiseachta, foilseofar é an seisiún seo.

An ndéanfaidh sé plé le díol na gcoillte?

Cad a dhéanfaimid feasta gan adhmad?

Tá deireadh na gcoillte ar lár;

Níl trácht ar Chill Chais ná a teaghlach

Is is ní chluinfear a cling go brách.

Déanfaidh sé, cinnte.

Baineann sin leis an content.

Beidh cead ag an Teachta siúl amach arís chomh fada le Tuar Mhic Éadaigh agus glacadh le cé chomh hálainn agus atá sé.