I gclár reachtaíochta an Rialtais, dúradh go mbeifí ag tabhairt isteach Bille chun leasú a dhéanamh ar Acht na dTeangacha Oifigiúla. Cuireadh tréimhse chomhairliúcháin ar bun trí bliana ó shin, a mhair bliain, agus anois táimid ag fanacht leis an mBille. An bhféadfadh an Taoiseach a rá ag an bpointe seo an mbeidh an Bille seo foilsithe roimh dheireadh na bliana seo? Freisin, an mbeidh reachtaíocht curtha tríd an Teach, de réir mar a bhí geallta i gclár an Rialtais, sula dtagann deireadh le tréimhse an Rialtais?

Sílim go raibh an Bille sin os comhair an choiste.

Bhí sé os comhair an choiste ach ní fhaca siad an Bille.

Sea, níor tháinig sé isteach anseo. Sílim go dtiocfaidh sé os comhair an Tí go luath.

Roimh an Nollaig?

Ní hea, tiocfaidh sé go luath.

Dúradh go mbeadh sé againn roimh an Nollaig.

Ní bheidh sé anseo roimh an Nollaig, ach go luath i Mí Eanáir.