Baineann mo cheist le cúrsaí mheabharshláinte agus an polasaí agus fís A Vision for Change, 2006 go dtí 2016. Mar a léiríonn an tréimhse ama, tháinig sé chun deiridh breis is bliain ó shin. Go mion minic sa Dáil ó shin, tá sé geallta agus deimhnithe go bhfuil athbhreithniú ar siúl. An freagra deireanach a fuair mé ar cheist a cuireadh i mí Feabhra ná go raibh an t-athbhreithniú nua le foilsiú ag deireadh mhí Feabhra. Cá bhfuil sé? Táimid i mí an Mhárta anois, breis is bliain tar éis gur cuireadh stop leis an bhfís iontach sin nár cuireadh i bhfeidhm. Cá bhfuil an t-athbhreithniú?

Tá an tAire Stáit, Teachta Helen Mac an tSaoi, ag déanamh an-obair ar an achoimre seo. Cuirfidh mé scéal chuig an Teachta faoi cé chomh fada is atá sí tagtha leis an achoimre sin. Tá súil agam nach mbeidh sé i bhfad uainn sula bhfoilseofar an fhís nua.