Ó thaobh chlár oibre an Rialtais, agus go háirithe an straitéis 20 bliain, de táimid ag fanacht anois ó mhí Iúil an bhliain seo caite maidir le plean feidhmíochta. Nuair a d'ardaigh mise é, ní don chéad uair, i mí Feabhra, dúirt an tAire Stáit, Teachta McHugh, go raibh sé thar a bheith muiníneach agus dóchasach go bhfoilseofaí é taobh istigh de choicís nó trí seachtaine. B'in mí Feabhra. Seo deireadh na míosa seo agus nílimid in ann an tuarascáil sin a fheiceáil. Cá bhfuil sé? An féidir linn freagra a fháil ar cá bhfuil an plean sin, go háirithe toisc go bhfuil Bliain na Gaeilge i gceist agus go bhfuil rún ós comhair an tSeanaid inniu maidir leis an nGaeilge agus leis an ngéarchéim atá ag baint léi?

Tá mé sásta freagra a thabhairt ar an ábhar sin. Dúirt mé ag an am go bhfuil muidne ag éirí níos cóngaraí anois leis an phlean gníomhaíoch cúig bhliain. Táimid ag éirí níos cóngaraí agus beidh fógra ann gan mhoill maidir leis sin. Má tá aon sonraí ann maidir leis sin beidh mé i dteagmháil leis an Teachta díreach.