Ba mhaith liom labhairt faoin bplean gníomhaíochta don Ghaeilge, go háirithe don tréimhse 2018 go 2022. Sé seachtaine ó shin thug an tAire Stáit óráid iontach sa Dáil agus gheall sé dúinn san óráid sin go raibh an Roinn ag cur bailchríoch ar an bplean ag an am sin agus go mbeidh sé le foilsiú sna seachtainí a bhí romhainn. Tá sé go díreach sé seachtaine an lá inniu ó thug sé a bhriathar go raibh an plean sin le foilsiú. Cá bhfuil an plean? Thug an tAire Stáit a bhriathar i rith Sheachtain na Gaeilge i mBliain na Gaeilge.

Tá nuacht dearfach agam anois. Bhí mé ag labhairt le mo chuid oifigeach inné fadúda an plean sin agus tá an chéad dhréacht socruithe. Anois tá na hoifigigh ag obair ar an dara dréacht. B'fhéidir go bhfuil sé socruithe anois, ach ní bheidh sé foilsithe inniu. B'fhéidir go bhfoilseofar é go gairid.