Tá an t-ábhar seo ardaithe go mion minic agam maidir leis an bplean gníomhaíochta agus an Straitéis 20 Bliain don Ghaeilge agus tá sé deimhnithe go minic ag an Aire Stáit go bhfuil sé ar tí é a fhoilsiú, ach le déanaí nuair a chas sé le na cathaoirligh de na coistí uilig, dúirt sé go hionraic agus go díreach nach bhfaca sé aon phlean gníomhaíochta agus nach raibh aon eolas aige. An féidir a rá anois cén uair a bheas an plean gníomhaíochta á chur os comhair an Cabinet?

Tá brú ama ann faoi láthair. Táim dóchasach go mbeidh an t-ábhar seo ar an gclár Rialtais ar an 12 Meitheamh agus ba mhaith liom mo bhuíochas agus mo aitheantas a ghabháil chuig an Teachta Connolly fá choinne an brú air sin agus an pointe fosta. Beidh sé réidh i ndiaidh an chruinniú ag an mbord Rialtais ar an 12 Meitheamh.