I dtreo deireadh na bliana anuraidh, chuir mé ceist mar gheall ar Bhille na dteangacha oifigiúla. Bliain na Gaeilge a bhí ann an tráth sin. Níor deineadh dul chun cinn maidir leis an Acht sin anuraidh. Bhí an tArd-Aighne á scrúdú. Tuigim go bhfuil sé á scrúdú faoi láthair agus tuigimid go léir go mbeidh reachtaíocht maidir leis an mBreatimeacht á phlé ar feadh cúpla seachtain. An bhfuil aon ullmhúchán á dhéanamh faoi láthair chun Bille na dteangacha oifigiúla a thabhairt chun cinn? An mbeidh sé ullamh nuair a bheidh an reachtaíocht i gcomhair an Bhreatimeachta críochnaithe? An mbeimid ábalta brú ar aghaidh leis gan a thuilleadh moille ag deireadh na míosa?

Mar is eol don Teachta, níl mórán dul chun cinn déanta ar aon reachtaíocht seachas reachtaíocht maidir leis an mBreatimeacht i mbliana. Is féidir leis a bheith cinnte go mbeidh dul chun cinn i ndiaidh 29 Márta.