Bhí an Coimisinéir Teanga i láthair ag Comhchoiste na Gaeilge, na Gaeltachta agus na nOileán inné. Uair amháin eile, dúirt sé go raibh fíorghá le uasdhátú a dhéanamh ar an reachtaíocht a bhaineann leis na teangacha oifigiúla le cosaint a thabhairt don Ghaeilge. Le fada an lá, tá Bille leasaithe geallta dúinn le leasú a dhéanamh ar an Acht teanga atá ann i láthair na huaire. Cén uair a fhoilseofar an Bille a dhéanfaidh leasú ar an Acht teanga?

Mar is eol don Teachta, bhí moill ar an mBille sin mar gheall ar an reachtaíocht maidir leis an mBreatimeacht. Tá an dul-chun cinn déanta ar an mBille sin le mí nó sé seachtaine anuas. Táimid dóchasach fós go mbeidh an Bille sin foilsithe roimh an samhradh.