Ba mhaith liom aird an Taoisigh a tharraingt ar chúrsaí séarachais ar Inis Mór, atá ag truailliú na timpeallachta agus ag cur isteach ar shláinte mhuintir an oileáin. Tá leithris phoiblí nua, córas séarachais chuí do thithe Chill Rónáin agus córas séarachais rialaithe ag teastáil, chomh maith le plean do chóras cóireála fuíolluisce. An ndéanfaidh an Taoiseach fiosrú ar an bhfadhb seo agus an gcinnteoidh sé go mbeidh an obair atá ag teastáil ar chóras séarachais Inis Mór déanta i gceart?

Le fada an lá, agus i rith na mblianta, táimid tar éis an-chuid tacaíochta a thabhairt d’Inis Mór agus do na hoileáin ar fud na tíre. Bheinn sásta déileáil le muintir an oileáin arís ó thaobh seirbhísí agus an méid atá ag teastáil. Beidh an Rialtas ag déanamh teagmhála leo.