Tá sé tagtha chun solais nach bhfuil an Ghaeilge éigeantach do phost mar stiúrthóir scoileanna san Galway and Roscommon Education and Training Board, GRETB. Is cúis imní é seo do scoileanna Gaeltachta agus do Ghaelcholáistí. Tá seacht meánscoileanna Gaeltachta agus dhá Ghaelcholáiste taobh amuigh den Ghaeltacht faoin GRETB agus is é seo níos mó ná aon trian de na meánscoileanna Gaeilge ar fad atá sa Stát. Tá dualgas, ar ndóigh, ag scoileanna Gaeilge faoin Acht Oideachais an Ghaeilge a chaomhnú agus a neartú. Cén chaoi go mbeadh stiúrthóir scoileanna gan Ghaeilge in ann a ghnó nó a gnó a dhéanamh leis na scoileanna seo mura bhfuil Gaeilge aige nó aici? An gcreideann an Tánaiste go mbeifear in ann é sin a dhéanamh agus nach dtéann sé sin in aghaidh na ndualgas an Ghaeilge a chaomhnú agus a neartú sna scoileanna sin?

Tá an Rialtas ag déanamh gach aon iarracht an Ghaeilge a chaomhnú agus, go háirithe, áiseanna a chur ar fáil do scoileanna lánGhaeilge agus scoileanna sna Gaeltachtaí. An bhfuil an Teachta ag labhairt faoi scoileanna laistigh de na Gaeltachtaí?

Táim ag labhairt faoi stiúrthóir san GRETB i nGaillimh agus i Ros Comáin, ceantar a bhfuil seacht meánscoil Gaeltachta agus dhá Ghaelcholáiste i gceist.

Cén fhadhb atá ann?

Is faoin stiúrthóir don phost nua-----

An é nach bhfuil stiúrthóir ann faoi láthair?

-----do na scoileanna ar fad. Tá duine éigin nua á fhostú i gceann cúpla mí.

An bhfuil duine ann anois?

Tá an duine bhí ann éirithe as agus maidir leis an bpost seo, níl sé éigeantach go mbeadh Gaeilge ag an duine seo, cé go bhfuil Gaelscoileanna agus Gaelcholáistí mar chuid den-----

Níl cumas sa Ghaeilge aige nó aici, an ea?

Níl an Ghaeilge éigeantach.

Níl sé éigeantach nó riachtanach don phost nua.

Níl sé riachtanach. Caithfimid déileáil leis an Aire faoi sin.

Go raibh maith ag an Tánaiste.

Tá an dlí ann agus déanfaidh mé fiosrú faoi sin.

Gabhaim míle buíochas leis an Tánaiste.