951. D'fhiafraigh Deputy Seán Kyne den Aire Forbartha Tuaithe agus Pobail, agus Gaeltachta an ndéanfaidh sé athbhreithniú ar chás lánúine (sonraí curtha ar fáil) faoi Scéim Oileánda (Árainn) na Gaeltachta, an nglacfadh sé leis go raibh dúshláin ar leith ann ós rud é go raibh na daltaí san idirbhliain, an tionchar a bhí aige sin ar líon na laethanta freastail a d’fhág go bhfuair na soláthraithe lóistín íocaíocht laghdaithe ina dhiaidh sin h. [53013/26]

Faoin scéim Oileánda (Árainn) Gaeltachta, a thagann faoi scáth Scéim na bhFoghlaimeoirí Gaeilge agus a cuireadh tús léi in 2007, cuirtear maoiniú suas le €192,000 in aghaidh na bliana ar fáil chun cur ar chumas suas le 30 scoláire iar-bhunscoile in aghaidh na bliana scoilbhliain iomlán a chaitheamh ag freastal ar aon cheann de na trí iar-bhunscoil ar Oileáin Árann.

Ba cheart a nótáil go ndéantar gach éileamh íocaíochta a chuirtear faoi bhráid mo Roinne a phróiseáil ina n-aonar agus go cruinn agus go mbraitheann siad ar na doiciméid a chuireann an scoil ar fáil do mo Roinn. Tar éis d'oifigigh mo Roinne athscrúdú a dhéanamh ar an gcás atá luaite ag an Teachta, is féidir a dheimhniú gur comhlíonadh na coinníollacha atá leagtha síos don scéim agus gur íocadh an teaghlach lena mbaineann laistigh den bhanda/ráta íocaíochta cuí a bhí i bhfeidhm don scoilbhliain 2025/26.

In 2023 rinne mo Roinn athbhreithniú ar an Scéim Oileánda (Árainn) Gaeltachta agus rinneadh an cinneadh leasú a dhéanamh ar an socrú a bhí i bhfeidhm maidir leis an deontas iníoctha faoin scéim i ndáil le tréimhsí neamhláithreachta scoláirí ionas go mbeadh deontas iníoctha faoin scéim le teaghlaigh oileáin le haghaidh oícheanta nach mbeadh scoláire/scoláirí i láthair sa teach.

Tugadh isteach bandaí íocaíochta dá réir agus clúdaíonn na bandaí íocaíochta cúiseanna éagsúla a d'fhéadfadh tarlú nach mbeadh ar chumas scoláirí freastal ar an oileán, eadhon tinneas, drochaimsir, cluichí, cúrsaí clainne, sochraid nó eile, agus cinntíonn siad go bhfaigheann teaghlaigh íocaíocht as lóistín agus cúiteamh cuí as neamhláithreacht.

Seo a leanas na bandaí íocaíochta a bhí i bhfeidhm don scoilbhliain 2025/26 agus na bandaí a bheidh i bhfeidhm don scoilbhliain 2026/27:

De réir an tábla thuas íoctar teaghlaigh ag brath ar an mbanda íocaíochta cuí, ach i gcásanna nach raibh scoláirí i láthair ar an oileán ar feadh an íoslíon 140 oíche, íocadh an deontas laethúil de €35.50 leis na teaghlaigh faoin scéim as na hoícheanta a chaith scoláirí ar iostas leo.

Is 166 lá scoile atá sa bhféilire scoile agus, ar na cúiseanna thuasluaite, ní gá go mbíonn na scoláirí ar an oileán ar feadh thréimhse iomlán na laethanta seo.