Gaeltarra Éireann training grant expenditure
Cunningham sought details of how Gaeltarra Éireann used its £134,000 grant for vocational training, including locations and spending by centre. O’Donnell supplied a county-by-county table listing industries and grant shares totalling £92,650, but Cunningham said it did not answer the request; O’Donnell maintained the table contained the requested information.
d'Aire na Gaeltachta an dtabharfaidh sé mioneolas faoi úsáid an deontais £134,000 a fuair Gaeltarra Éireann ó Chiste Sóisialach CEE i gcás (a) scéimeanna ceard-oiliúna (b) na hionaid ina raibh na scéimeanna lonnaithe agus (c) an méad a caitheadh i ngach ionad.
Comment on this
Is amhlaidh a fhaigheann Gaeltarra Éireann leath an chaiteachais údaraithe do scéimeanna oiliúna as an gCiste sin Bíonn an oiliúint ar siúl ar fud na Gaeltachta—go hairithe i dtionscail nua. Tá tábla agam ina dtugtar roinnt mioneolais agus, le chead an Cheann Comhairle, cuirfear timpeall sa Tuairisc Oifigiúil é.
Seo a leanas an tábla:—
Contae | An líon tionscal | An chuid den deontas
£
Dún na nGall | 12 | 21,277
Maigh Eo | 9 | 5,483
Gaillimh | 13 | 38,520
Ciarraí | 8 | 7,429
Corcaí | 6 | 14,941
Port Láirge | 2 | 5,000
50 | 92,650
Scéimeanna oil-iúna agus costais eile de chuid Ghaeltarra Éireann | 41,959
An tIomlán | £134,609
Comment on this
An féidir leis an Aire a rá maidir le scéimeanna traenála, "vocational training", scéimeanna traenála teicniciúla gairmoideachais, ar caitheadh an t-airgead go léir orthu sin?
Comment on this
No, scéimeanna. Bíonn an oiliúint ar siúl ar fud na Gaeltachta, go h-áirithe i dtionscail nua.
Comment on this
Níl an tAire ag freagairt na ceiste. Deir an ráiteas a cuireadh amach ó Ghaeltarra Éireann i gcóir na bliana 1974 gur caitheadh an t-airgead seo ar scéimeanna gairmthraenála ag Gaeltarra Éireann. Agus is í an cheist a chuir mé na hionaid ina raibh na scéimeanna lonnaithe, cé hiad na h-áiteanna inar caitheadh an t-airgead ar na scéimeanna gairmthraenála sin agus an méad airgid a caitheadh i ngach ionad. Níor thug an tAire eolas ar bith faoi sin.