Spiddal toy factory and joint venture
The Spiddal toy factory began operating in 1963 and employs 62 people, but its toy business is struggling; Gaeltarra is seeking a more viable industry and discussing the situation with employees. Molloy challenges the Minister’s description of the venture as new when the factory already existed. The Minister distinguishes the factory from a joint venture approved in April 1973; Faulkner asks about the private partner’s share, which the Minister cannot provide, and says it was 7%.
d'Aire na Gaeltachta cén bhliain ar tosaíodh ar fhostaíocht sa mhonarcha bréagán sa Spidéal, Contae na Gaillimhe; an bhfuil sé beartaithe deireadh a chur leis an bhfostaíocht sin; agus cé mhéad duine a bhí ag obair sa mhonarcha ar an dáta is deireannaí atá ar eolas.
Comment on this
Tuigim ó Ghaeltarra Éireann:
—gur tosaíodh ar fhostaíocht sa mhonarcha sin sa bhliain 1963,
—go bhfuil 62 dhuine ag obair inti faoi láthair,
—nach bhfuil ag éirí go maith leis an gcuid de thionscal na mbréagán atá ar siúl ansin,
—go bhfuil Gaeltarra ag iarraidh tionscal níos sásúla a fháil don mhonarcha ionas go leanfaidh fostaíocht inti, agus
—go bhfuil an scéal ar fad á phlé le hionadaithe na bhfostaithe.
Comment on this
Tá mé an-bhuíoch den Aire gur chuir sé in iúl don Teach gur cuireadh an mhonarcha seo ar bun sa bhliain 1963. An é sin adúirt an tAire—sa bhliain 1963?
Comment on this
Is maith é. An bhfuil a fhios ag an Aire gur chuir sé in iúl don Dáil ar an 15 de Mhí Iúil an bhliain seo gur cheadaigh sé ó Aibreán 1973 10 gcomhthionscail i gContae na Gaillimhe agus luann sé mar cheann de na tionscail sin, An Spidéal (bréagáin) agus cuireann an tAire in iúl don Teach anois go bhfuil an mhonarcha seo ann ón mbliain 1963.
Comment on this
Má thógann an Teachta go bog é anois tabharfaidh mé an freagra. A Cheann Comhairle, is í an fhadhb atá ag an Teachta Molloy nach dtuigeann sé an deifríocht atá idir monarcha agus tionscal agus comhthionscal.
Comment on this
Do tógadh an mhonarcha seo i 1963 ach ceadaíodh comhthionscal nua don bhfoirgneamh nó don mhonarcha sin in Aibreán, 1973.
Comment on this
Nach raibh bréagáin á ndéanamh sa mhonarcha seo roimh Aibreán, 1973? Nár chuir an tAire in iúl don Teach ar an 15 Iúil, 1975 gur ceadaíodh deich gcomhthionscail nua i gContae na Gaillimhe ó thús Aibreáin, 1973 go deireadh Bealtaine, 1975 agus luann sé tionscal bréagán sa Spidéal mar cheann de na tionscail sin cé go raibh an tionscal ann le blianta fada roimh Aibreán, 1973? Nach bhfuil cur-i-gcéill éigin ar siúl nár cuireadh in iúl sa Dáil ag an am go cruinn beacht gur rud é seo a chuir an Teachta O'Donnell ann cé go raibh sé ann i bhfad roimhe sin?
Comment on this
Ní thuigim cén fáth nach dtuigeann an Teachta fós an deifríocht atá idir monarcha agus tionscal.
(Cur isteach.)
Comment on this
Tá sé seo íontach tábhachtach anois mar tugadh le fios don Teach go raibh tionscal úr curtha ar bun sa Spidéal rud nach raibh fíor agus caithfimid an fhírinne a fháil. Goidé an comhthionscal seo a chuireadh ar bun sa Spidéal?
Comment on this
Tá an comhthionscal sin i gcomhpháirtíocht le Gaeltarra Éireann agus comhlacht príobháideach. Ceadaíodh é in Aibreán, 1973.
Comment on this
Dúradh gur tionscal é a bhí ann cionns go dtáinig an tionscal a bhí ann le chéile le tionscal príobháideach. Ba mhaith liom a iarraidh ar an Aire cé mhéid faoin gcéad den tionscal iomlán a ghlac an tionscal príobháideach.
Comment on this
Ba mhaith liom a chur in iúl duit go bhfuil sé ar intinn agam an cheist seo a plé ar an Athló.