d'Aire na Gaeltachta an dtabharfaidh sé isteach reachtaíocht chun iasacht chaipitiúil Ghaeltarra Éireann a mhéadú.

Glacaim agam gurb iad na hairleacain a eisítear as an bPríomh-Chiste chuig Gaeltarra Éireann atá i gceist ag an Teachta, Tá teorainn reachtúil leis na hairleacain sin agus, má bhím sásta gur gá an teorainn a ardú, tabharfaigh mé reachtaíocht isteach chun é sin a dhéanamh.

Nach bhfuil a fhios ag an Aire faoi láthair go bhfuil cumhacht bhreise ag an IDA agus go n-oibríonn an IDA agus Gaeltarra Éireann i gcónaí as lámha a chéile agus go bhfuil gá le rialacháin a thabhairt do Ghealtarra anois le hairgead a fháil má tá sé ag teastáil?

Mar atá an scéal faoi láthair ní bhíonn aon chall ar Ghaeltarra aon chabhair bhreise a fháil. Tá siad ag fáil neart airgid ón Roinn Airgeadais le cibé tograí atá acu a chur chun cinn.

An bhfuil an tAire ag rá liom nach bhfuil Gaeltarra Éireann ag lorg na cumhachtaí seo?

Aontaim go bhfuil difríocht idir an módh atá ag an Rionn Airgeadais le h-airgead a chur ar fáil do Ghaeltarra Éireann agus an IDA ach, mar sin féin tá difríocht idir an obair atá ar siúl ag Gaeltarra agus ag an IDA maidir le cúrsaítion-scial a chur ar aghaidh.

An bhfuil an tAire ábalta a rá go speisialta anois de bhrí go bhfuil comhacht bhreise faighte ag an IDA agus go bhfuil siad i bhfad níos láidre anois ná mar a bhíodar ariamh go bhfuil sin ag dul i gcoinne Gaeltarra Éireann?

Ní shílim go raibh aon locht ar an módh atá ann le h-airgead a chur ar fáil do Ghaeltarra Éireann mar atá sé i láthair na huaire.

An bhféadfaidh an tAire aon gheallúint a thabhairt?

Ceart go leor, déanfaigh mé sin.