den Aire Iascaigh agus Foraoiseachta an bhfuil sé i gceist aige airgead a chur ar fáil le deis a chur ar ché an Fhóid Dhuibh i mbliana.

Do scrúdaigh mo Roinnse tógra mór fhorbartha chun na saoráidi calaíochta ag Cuan an Fhóid Dhuibh a fheabhsú. Nuair a tugadh isteach san áireamh a laghad éisc a díluchtaítear san áit ba léir nár bhféidir an costas a ghabhfadh leis an fhorbairt sin a chosaint nar bhí sé ró-ard. Mar sin féin tá malairt scéim nach mbeidh chomh costasach faoi mhachnamh faoi láthair chun freastal ar iascairí Chuain an Fhóid Dhuibh.

Ar thuig mé an tAire go soiléir nach bhfuil aon airgead le fáil i ngeall go bhfuil na costais ard agus nach bhfuil go leor éisc á gcur i dtír ansin?

Dúirt mé é sin agus chomh mhaith leis sin dúirt mé go raibh scéim nua faoi mhachnamh faoi láthair nach mbeadh chomh costasach leis an scéim a tháinig chun tosaigh i dtús báire a chuirfeadh áis shásúil ar siúl do iascairí na háite. Tig leis an Teachta bheith cinnte a fhad is a bhaineann liomsa go ndéanfaidh mise mo dhícheall rud éigin a dhéanamh do Chuan an Fhóid Dhuibh taobh istigh de na teorannacha atá orm maidir le airgead.

An bhfuil a fhios ag an Aire go bhfuil tionscal i gceist ansin agus go mbeadh sé ar eolas aige ó thaobh Udarás na Gaeltachta de go bhfuil sé i gceist go dtiocfaidh báid ansin le díluchtú a dhéanamh agus le earraí a thabhairt amach as an áit. Dá bhrí sin an nglacfaidh an tAire go mbeadh sé tábhachtach níos mó ná ceist na hiascaireachta a chur san áireamh nuair atá deisiúchán na céanna seo á scrúdú? De bhrí go bhfuil seans ann go dtiocfaidh tionscal go dtí an áit sin an n-aontóibh an tAire go gcaithfear feabhsúcháin a dhéanamh chomh luath agus is féidir.

Tá a fhios agam faoi na moltaí atá ann le haghaidh tionscal sa cheantar sin agus i ngeall ar sin beidh mé ag teangmháil le daoine eile a bhfuil freagracht acu ar fhorbairt mar seo. Tuigim an phráinn atá leis na rudaí seo agus tig leis an Teachta bheith cinnte go ndéanfaimíd ár ndícheall an fhadhb a réiteach chomh luath agus is féidir.

Cén tsuim airgid atá leagtha síos sna Meastacháin?

£2.2 mhilliún.

(Cur Isteach.)

Cé mhéad a thógfaidh sé chun an cé seo a dheisiú? An bhfuil an t-eolas sin ag an Aire?

Níl, ach ó chuimhne, bhí costas breis is £1 mhilliún i gceist ansin ar shaghas amháin forbartha a bhí i gceist.

Mar gheall ar an méid atá a chur ar fáil san Mheastachán don bhliain seo chugainn — £2.2 milliún, a dúirt an tAire — cé mhéad de sin atá geallta cheana féin le íoc as obair ar chéanna atá ar siúl sa bhlian seo agus fiú amháin an bhlian seo caite agus cé mhéad de airgead a bhéas ar fáil le haghaidh obair feabhsúcháin nua ag tosnú sa bhliain 1985?

Níl an figiúr sin agam mar theastódh uaim an figiúr sin a fháil ó Oifig na nOibreacha Poiblí a mbeadh conarthaí sínithe acu. Níl an t-eolas sin agam ach ceapaim go mbeadh tuairim is leath de geallta agus conradh sínithe. Níl mé ro-chinnte faoi na figiúirí.

Cad iad na háiseanna a bheidh á gcur ar fáil——

Níl sé sin socraithe agam go fóill agus go dtí sin ní bheidh mé in ann na ceisteanna a fhreagairt. Ach beidh sé socraithe agam taobh istigh de cúpla seachtain.

Bhíomar ag faire ar na ceisteanna seo go dtiocfadh siad os comhair na Dála chun eolas a fháil faoi chaiteachas an Aire sa bhliain seo chugainn. Muna bhfuil an t-eolas aige inniu cén mhaitheas dúinn bheith ag cur síos ceisteanna, mar ní bheidh aon tseans eile againn an tAire a cheistiú le tamall fada.

(Cur Isteach.)

Ba mhaith an rud athrú ar an chóras Ceisteanna Parlaiminte. Tá sé sin á phlé againn agus tá mé ag dul go cruinniú anois chun é sin a phlé. B'fhéidir go mbeimid in ann an tAire a fheiceáil uair gach trí seachtain nó gach cúig seachtain. Ach an chaoi ina bhfuil sé faoi láthair ní chloisimid focal uaidh ach uair gach sé mhí.

Beidh an chuid eile de na Ceisteanna ar an gClár amárach.

I wish to raise on the Adjournment the serious situation in the Land Commission where staff have got notice and where farmers and staff have been deprived of an opportunity to conclude schemes submitted to headquarters in Dublin for sanction.

I will communicate with the Deputy.

I wish to raise on the Adjournment the strike which is proposed for Saturday next at the customs frontier posts.

I will communicate with the Deputy.